കാസറഗോഡ് : നെല്ലിക്കുന്നിലെ പ്രമുഖ കുടുംബ അംഗവും മത സാമൂഹ്യ സാംസ്‌കാരിക രംഗങ്ങളിലെ പ്രവര്‍ത്തകനും ജില്ലയിലെ ആദ്യ കാല സുന്നി പ്രസിദ്ധീകരണങ്ങളുടെ പ്രചാരകനും (ആദ്യ കാല സുന്നി ടൈംസ്‌ ) മത ഭക്തനുമായ നെല്ലിക്കുന്നിലെ എന്‍. പി. അബ്ദുല്ല ഹാജി (73) ഇന്നലെ ( വ്യാഴം) വൈകുന്നേരം നാല് മണിക്ക് നിര്യാതനായി.
പരേതരായ പള്ളത്തെ പോക്കറിന്റെയും ആയിഷാ ബീവിയുടെയും മകനാണ്.
പരേതരായ പള്ളത്തെ എന്‍. പി. മുഹമ്മദ്, റഹ്‌മത്ത് ബീവി, ആമിനാബി, സൈനബ ബീവി, എന്നിവര് സഹോദരങ്ങളാണ്. പരേതനായ ചുക്കാന്‍ അബ്ദുല്ലയുടെ മകള് സഫിയ ഹജ്ജുമ്മയാണ് ഭാര്യ.
എന്‍. പി. സലാഹുദ്ദീന്‍ (ദുബായ് കരാമ), എന്‍. പി. ശുഹൈബ് (വ്യാപാരി, കാസറഗോഡ് തായലങ്ങാടി), ഹാജറ എന്നിവര് മക്കളാണ്. കാസറഗോഡ് നഗരത്തിലെ വ്യാപാരി പി. എന്‍. മഹമൂദ് ജാമാതാവാണ്‌. ദുബായിലെ ആലൂര്‍ ടി. എ. മഹമൂദ് ഹാജി അടുത്ത ബന്ധുവാണ്.
മയ്യിത്ത് ഇന്ന് (വെള്ളി ) രാവിലെ നെല്ലിക്കുന്ന് മുഹിയദ്ദീന്‍ ജുമാ മസ്ജിദ് ഖബര്‍ സ്ഥാനില്‍ മറവ് ചെയ്യും.
മരണ വീട്ടിലെ ടെലിഫോണ്‍ നമ്പര്‍ - എന്‍. പി. ശുഹൈബ് ( മകന്‍) - 98 95 35 4085
-
ആലൂര്‍ ടി. എ. മഹമൂദ് ഹാജി, ദുബായ്
സൌദിയില്‍ ഖഫ്ജിക്ക് അടുത്തു വെച്ചുണ്ടായ വാഹനാപകടത്തില്‍ മലയാളി യുവാവ് മരിച്ചു. കായംകുളം ചേരാവള്ളി തൊപ്പില്‍ തറയില്‍ ഷാ ആണ് മരിച്ചത്. റിയാദില്‍ അല്‍ മാജിദ് കമ്പനിയില്‍ മാനേജര്‍ ആയിരുന്നു. കുടുംബ സമേതം റിയാദില്‍ താമസിച്ചിരുന്ന മുഹമ്മദ് ഷായുടെ ഭാര്യ ഷീബയും മക്കളായ നദീന്‍ ഷാ (8) യും രോഹന്‍ ഷാ (4) യും നാട്ടിലേക്ക് പോയി. മ്യദദേഹം മക്കയില്‍ കബറടക്കുമെന്ന് ബന്ധുക്കള്‍ അറിയിച്ചു.
അജ്മാനില്‍ മലയാളി വിദ്യാര്‍ത്ഥി മരിച്ചു. പെരിന്തല്‍മണ്ണ വെള്ളാമ്പുറം പുഴക്കല്‍ വീട്ടില്‍ പി.മുഹമ്മദ് റാഷിദ് ആണ് മരിച്ചത്. 18 വയസായിരുന്നു. അല്‍ ഹിലാല്‍ എജ്യുക്കേഷന്‍ സെന്‍ററില്‍ ഒന്നാം വര്‍ഷം ബികോം വിദ്യാര്‍ത്ഥിയായിരുന്നു. അജ്മാനില്‍ സൂപ്പര്‍മാര്‍ക്കറ്റ് നടത്തുന്ന സെയ്തലവിയാണ് പിതാവ്. സഫിയയാണ് മാതാവ്. രണ്ട് സഹോദരിമാരുണ്ട്
അബുദാബിയില്‍ ജോലി ചെയ്തു വരികയായിരുന്ന കണ്ണൂര്‍ ആദികടലായി സ്വദേശി സി. എച്ച്. അബ്ദുള്‍ മാലിക് (54) അന്തരിച്ചു. ശനിയാഴ്ച രാത്രി ജോലി കഴിഞ്ഞ് ഉറങ്ങാന്‍ കിടന്നതായിരുന്നു. ഞായറാഴ്ച രാവിലെ ഉണരാന്‍ വൈകിയതിനെ തുടര്ന്ന് സുഹൃത്തുക്കള്‍ വിളിച്ചപ്പോഴാണ് മരിച്ച വിവരമറിയുന്നത്.
റിയാദ്: മലയാളിയായ മധ്യ വയസ്കന്‍ ജോലി സ്ഥലത്ത്‌ കുഴഞ്ഞു വീണ്‌ മരിച്ചു. കൊച്ചി സ്വദേശി പുളിക്കന്‍ ഹൗസില്‍ പി. ബി. ലാസര്‍ (58) ആണ് ഇന്നലെ ഉച്ചക്ക്‌ 1.30ന്‌ ജോലി ചെയ്യുന്ന പ്രസില്‍ കുഴഞ്ഞു വീണത്‌. സഹ പ്രവര്‍ത്തകര്‍ ശുമേസി ആശുപത്രി യിലേക്ക്‌ കൊണ്ടു പോകും വഴി മരിച്ചു. റിയാദ് - അല്‍ ഹൈര്‍ റോഡില്‍ മൂസ സനയ്യയിലെ അല്‍ ഉവൈദി പ്രിന്‍റിംഗ്‌ പ്രസില്‍ കട്ടിംഗ്‌ മേഷീന്‍ ഓപ്പറേറ്റ റായിരുന്നു. ജോലി ചെയ്യുന്ന തിനിടെ ശ്വാസ തടസം നേരിട്ടു. തുടര്ന്ന് അവശനായി വീണു. മൃതദേഹം ശുമേസി ആശുപത്രി മോര്‍ച്ചറി യിലാണ്‌. എട്ടു വര്‍ഷമായി ഇവിടെ ഇതേ സ്ഥാപനത്തില്‍ ജോലി ചെയ്യുക യായിരുന്നു. ഒന്നര വര്‍ഷം മുമ്പാണ് നാട്ടില് അവധിക്ക്‌ പോയി വന്നത്. ജസി ലാസറാണ്‌ ഭാര്യ. യേശുദാസ്‌ ഗോഡ്സന്‍ ലാസര്‍, മേരി ദാസ്‌ ജെര്‍സന്‍, നിര്‍മല്‍ ദാസ്‌ ലാസര്‍ എന്നിവരാണ്‌ മക്കള്‍. റിയാദിലെ ഫ്രണ്ട്സ്‌ ഓഫ്‌ കേരള എന്ന സംഘടനയുടെ സജീവ പ്രവര്‍ത്ത കനായിരുന്നു. മൃതദേഹം നാട്ടില് കൊണ്ടു പോകുന്നതിനുള്ള ശ്രമവുമായി ഫ്രണ്ട്സ്‌ ഓഫ്‌ കേരള പ്രവര്‍ത്തകര്‍ രംഗത്തുണ്ട്‌.
ചാവക്കാട് : കടപ്പുറം അടിതിരുത്തി പള്ളിക്ക് പടിഞ്ഞാറു പരേതനായ രായമ്മരക്കാര്‍ വീട്ടില്‍ കാറളകത്ത് മുഹമ്മു മകന്‍ നാലകത്ത് ചാലക്കല്‍ അബ്ദുല്‍ ലത്തീഫ് (45) ഖത്തറില്‍ വെച്ച് മരണപ്പെട്ടു. 12 വര്‍ഷമായി മദീന ഖലിഫ പോലിസ് സ്റ്റേഷനില്‍ ജോലി ചെയ്തു വരികയായിരുന്നു. 6 മാസം മുമ്പാണ് അവസാനമായി നാട്ടില് വന്നു പോയത്. 
ചാവക്കാട് : കടപ്പുറം അഞ്ചങ്ങാടി മൂസാ റോഡിനു സമീപം പരേതനായ പൊള്ളക്കായി കോയ മോന്‍ ഭാര്യ ബീവാത്തു മോള്‍ നിര്യാതയായി. മക്കള്‍: അലിയാമുണ്ണി (മലയാളം വാര്‍ത്തകള്‍ സൌദ്യ അറേബ്യ ലേഖകന്‍ 0091-9544638144), സിദ്ധീഖ് (ഖത്തര്‍), ശെരീഫ, റുഖിയ, ആമിനു, പരേദയായ സെമീറ, ഷാബിര്‍ . മരുമക്കള്‍: മുഹമ്മദ്, ഹസ്സന്‍,അബ്ദുള്‍ഹമീദ് (റിയാദ്) ബുഷറ, ഹസീന. കഴിഞ ഏതാനും ആഴ്ച്ചകള്‍ക്ക് മുമ്പാണ് പൊള്ളക്കായി കോയമോന്‍ നിര്യാതനായത്. 
ഈ പേജ് പങ്ക് വെയ്ക്കാം
0 Comments:
Post a Comment
Subscribe to Post Comments [Atom]
« ആദ്യ പേജിലേക്ക്