കഴിഞ്ഞ വെള്ളിയാഴ്ച അബുദാബിയില്‍ ഉണ്ടായ വാഹന അപകടത്തില്‍ ഗുരുതരമായി പരിക്കേറ്റ്‌ ഖലീഫ ആശുപത്രിയില്‍ ചികില്‍സയില്‍ ആയിരുന്ന വേങ്ങര ചേറൂര്‍ സ്വദേശി പുക്കുത്ത് കരീം (53) നിര്യാതനായി. ഇദ്ദേഹം ഓടിച്ചിരുന്ന കാര്‍, ട്രൈലറുമായി കൂട്ടിയിടി ച്ചായിരുന്നു അപകടം. കാറിലു ണ്ടായിരുന്ന കളത്തില്‍ കുഞ്ഞി മൊയ്തീന്‍ സംഭവ സ്ഥലത്ത് വെച്ച് തന്നെ മരിച്ചിരുന്നു.
ഇരുവരുടെയും കുടുംബങ്ങള്‍ ഇന്ന് അബുദാബിയില്‍ എത്തേണ്ടതായിരുന്നു. ഇതിനു വേണ്ടി പുതുതായി എടുത്തിരുന്ന ഫ്ലാറ്റ്‌ വൃത്തിയാക്കാന്‍ പോകുമ്പോഴായിരുന്നു അപകടം സംഭവിച്ചത്.
മൈമൂനയാണ് ഭാര്യ. മക്കള്‍: സമീറ, മുനീറ, താഹിറ, ഷഹര്‍ബാന്‍, ഷഹീന്‍.
നടപടികള്‍ പൂര്‍ത്തിയാക്കി മൃതദേഹം ഇന്ന് തന്നെ നാട്ടിലേക്ക്‌ കൊണ്ടു പോകും എന്ന് ബന്ധുക്കള്‍ അറിയിച്ചു.
-
പി. എം. അബ്ദുല്‍ റഹിമാന്‍, അബുദാബി
അബുദാബി സെന്‍ട്രല്‍ എസ്. വൈ. എസ്. കമ്മിറ്റി മുന്‍ ഓഫീസ്‌ സെക്രട്ടറി ശിഹാബുദ്ദീന്‍ സഖാഫി ആതവനാട്‌ ഇന്ന് അബുദാബി യിലുണ്ടായ വാഹനാ പകടത്തില്‍ മരണപ്പെട്ടു.
ഷാര്‍ജ : തിരുവനന്തപുരം കവടിയാര്‍ ടീച്ചേഴ്സ്‌ ലൈനില്‍ ആലുംമൂട്ടില്‍ പരേതനായ എ. ഓ. കുര്യന്റെ (കൊല്ലകടവ് ആലുംമൂട്ടില്‍ കുടുംബാംഗം) ജോണ്‍ കുര്യന്‍ (റോണി - 45) ഹൃദയാഘാതം മൂലം നിര്യാതനായി. ഷാര്‍ജയില്‍ മാര്‍മന്‍ പ്രിന്റ്‌ സോല്യൂഷ്യന്‍സ് എന്ന സ്ഥാപനത്തിന്റെ മാനേജിംഗ് ഡയരക്ടര്‍ ആയിരുന്നു പരേതന്‍. ഷാര്‍ജ കുവൈറ്റ്‌ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം തുടര്‍ നടപടികള്‍ക്ക് ശേഷം പിന്നീട് പാളയം സി. എസ്. ഐ. ക്രൈസ്റ്റ്‌ ചര്‍ച്ച് സെമിത്തേരിയില്‍ സംസ്കരിക്കും.
ഈ പേജ് പങ്ക് വെയ്ക്കാം
0 Comments:
Post a Comment
Subscribe to Post Comments [Atom]
« ആദ്യ പേജിലേക്ക്